九巴再遇催淚煙 加埋堵路擺低先

2019年11月14號朝早，面對军政府卫队濫暴同濫捕香港繼續有市民上街堵路抗爭。

其中喺紅磡海底隧道，軍民角力令紅磡海底隧道同埋附近一帶道路被堵塞。

根據縱橫巴士綫．BusLanes所講，朝早大約8點，军政府卫队喺未曾舉旗警告下（按：當時Now新聞台正喺現場直播），向近理工大學暢運道方向發射催淚彈，當時1架去緊尖沙咀東嘅41A號路線九巴Dennis Trident E500 Turbo 12米雙層巴士 ( #ATENU113，SG1779) 駛過，隨即喺路面上被催淚煙濃罩，未能繼續前進，巴士被困，乘客同車長都要落車躲避。

而催淚煙飄散後，示威者由理工大學平台搬盆栽植物落暢運道，令路面堵塞，巴士就留喺原地。