【比利時巴士】機場巴士試電動 評估係咪咁好用

現時喺歐洲13個機場提供穿梭巴士服務嘅Flibco，公佈繼早前喺布魯塞爾南部-沙勒羅瓦機場客運大樓之間測試無人駕駛巴士之後，嚟緊將會喺呢個機場連接城市嘅機場巴士路線測試電動巴士。

今次測試嘅電動巴士會放喺連接機場以及比利時首都布魯塞爾市中心嘅路線，路程大約40公里，行車時間大約一個鐘頭。

今次測試主要目標係要獲得有關充電時間同續航能力嘅數據，據《布魯塞爾時報》消息指，測試用嘅電動巴士完全充電後可以行兩個半鐘頭或200公里，估算每架巴士每年減少127噸行駛時嘅碳排放。