2025「藝術．科技」展覽：「Ding Lab」未來電車

由香港藝術發展局（藝發局）主辦嘅「藝術．科技」展覽喺2025年11月呈獻壓軸主題展覽「Ding Lab」，透過多媒體藝術裝置，邀請公眾重新認識電⾞嘅文化意義，並探索佢喺城市不斷變遷中嘅演變歷程。

由香港本地藝術家組合 Foreseen Agency（⾶天豬、陳家智）精⼼策劃嘅「Ding Lab」喺2025年11⽉7 ~ 28號隆重登場，帶領觀眾登上由#147電⾞改裝⽽成嘅移動裝置，由屈地街電⾞廠出發，兜過西港城，穿梭中⻄區，以卑路乍灣海濱⻑廊做終點，展開⼀段獨特嘅城市旅程。呢架電車作品結合⼈⼯智能、LED 裝置、實時影像、雕塑、互動裝置，既觸發參加者思考城市嘅未來，同時喚起集體記憶。⾞輪每⼀次轉動都會係展開⼀段歷程，訴說夢想同埋傳承如何交織，推動「香港故事」繼續向前。

展覽以未來電⾞「Tram0」做焦點，透過⼀場藝術實驗，將電⾞想像成結合⽣物科技以及機械結構嘅賽博⽣物（cyborg）。過去100多年來，香港標誌——電⾞——由香港本地設計同埋建造，⾒證城市萬象變遷，⾄今仍然係「香港製造」嘅象徵。「Ding Lab」由⼈類學視⾓切入，將電⾞⽣態系統作嶄新詮釋，將「Tram0」塑造成未來仿⽣電⾞原型。觀眾可以登上改裝後嘅雙層電⾞，展開⼀段大約 45 分鐘嘅時光旅程。沿途穿梭喺城市記憶之中，喚起香港⼈嘅集體回憶，向昔⽇嘅風華致敬，並展望城市嘅未來。

行入下層⾞廂，觀眾會置⾝喺《磁碟重組程式》之中。呢件作品結合⼈⼯智能相機、⾦屬、亞克⼒雕塑，以及多個螢幕，借鑑認知⼼理學「基模理論」（schema theory）框架，探討⼈類點樣利⽤既有知識結構，組織以及重建個⼈記憶數據庫，最終喺藝術想像中勾勒出「仿⽣電⾞」概念。視覺上，裝置猶如⼀條巨型脊柱或者⼀個神經系統，由16塊螢幕依次排列組合⽽成，貫穿電⾞內部。每塊螢幕都實時播放電⾞前⽅的街景影像，但每幅畫⾯存在幾秒延遲，形成層層疊加嘅視覺效果，藉此模擬電⾞司機對路況嘅預判本能。

拾級而上去到上層⾞廂，觀眾將步入《綠蝕》，⼀場融合⼈⼯智能⽣成圖像、LED 裝置、四頻道彩⾊、有聲錄像嘅多感官體驗。作品背景設定喺未來公元 2066 年，具備⾃主意識嘅⼈⼯智能電⾞系統早已全⾯取代傳統電⾞，昔⽇象徵城市風貌嘅「綠⾊」亦已消逝無蹤。有⼀天，⼀架名為「Tram0」嘅⼈⼯智能電⾞原型喺祖⺟嘅⽇記簿上偶然發現咗有關「綠⾊」嘅筆記，於是展開尋覓呢一段失落⾊彩唔旅程。呢個故事以短片《綠蝕》呈現，借「Tram0」之眼，發掘客觀數據以及無形記憶嘅連繫，揭⽰香港集體回憶中嘅⾝份認同以及文化傳承，進⼀步探討「懷舊」概念放諸現代社會的價值。

未來電⾞亦加入互動元素，帶嚟懷舊⼜創新嘅體驗——《綠仔》，仿效 1990 年代風靡⼀時嘅掌上電⼦寵物玩具。玩家可以透過完成各項任務培育「綠仔」，推進「⼩電⾞」嘅成⻑歷程。《綠仔》開拓電⾞未來發展嘅無窮想像，以探索虛擬世界解決⼟地稀缺問題，⽽公共管理責任亦可轉移到個體擁有者之⼿。

旅程最終抵達卑路乍灣海濱⻑廊，樹脂雕塑《擱淺物質》就喺呢度靜待觀眾。⻄環海岸曾經係南海⽔域同埋沿岸電⾞軌道之間嘅獨特交匯點，填海⼯程逐步改變咗海岸線，令到汩汩海浪同電⾞叮咚之聲再無交集。呢件作品形狀有如⼀道擱淺喺岸上嘅海浪，勾勒出電⾞同⽔陸兩岸嘅獨特聯繫，藉此重新詮釋電⾞嘅起源故事，闡述⾃然同機械之間嘅共⽣關係。雕塑選址海岸線旁，象徵着喺重溯電⾞軌跡以及回歸⼤海之間嘅張⼒，引發觀者深思歷史、重拾與過去嘅失落聯繫。

黃詠珊（⾶天豬）表⽰：「呢個項⽬始於實地研究，旨在捕捉電⾞廠⼯⼈嘅聲⾳與及經歷，其中⼀啲⼈已經喺嗰度⼯作幾⼗年，並且⾒證電⾞演變。我記得我哋向⼀位油漆師傅詢問過去使⽤綠⾊顏料嘅問題。佢回憶、串聯記憶並描繪當下嘅過程，啟發咗整個項⽬。我為呢個項⽬感到驕傲，佢同親⼿維持系統運作嘅⼯⼈合作，共同想像⼀個唔同嘅未來。我從中學到好多 —— 唔單只係技術技能，仲有佢哋嘅哲學⾒解。我相信我哋可以喺佢哋⾝上學到更多。」

陳家智補充：「我哋最深刻嘅觀察之⼀，係電⾞廠入面設有⼀個中央控制室，配備先進系統，實時監控每架電⾞嘅位置同埋運⾏狀況，並且提供即時反饋。我清楚記得電⾞⾞⻑澤師傅嘅分享：『電⾞其實具備⾼速⾏駛嘅能⼒，但⾞⻑需要時刻觀察路⾯情況，迅速作出相應⾏動。然⽽，由接收指令到電⾞完全停⽌，需好幾秒時間。』呢一個洞察啟發咗我哋，令我哋聯想到⼀架電⾞，甚⾄整個電⾞網絡，宛如⼀個擁有完整神經網絡系統嘅⽣物。我哋因此以想像電⾞為⼀具賽博格（cyborg）作為切入點，展開『Ding Lab』探索之旅。」

香港藝術發展局副主席楊偉誠教授表⽰：「藝發局⼀直秉持以創意孕育創新，喺藝術同科技嘅交匯點上推動文化發展。呢個項⽬令我哋嘅藝術家能夠盡情探索各種可能，由藝術同埋科技⾓度重新演繹呢座城市標誌性電⾞嘅故事。我哋好高興能夠將『Ding Lab』呢一類具實驗精神嘅作品呈現喺公眾眼前。呢次展覽唔單止展現香港深厚文化底蘊同埋集體回憶，仲邀請藝術家共同想像電⾞嘅未來篇章 —— 思索電車曾經帶領我哋走過嘅歷程，以及未來將引領我哋⾛向何⽅。」

• 「Ding Lab」
  • 藝術家： Foreseen Agency
  • ⽇期： 2025 年11⽉7 ~ 28號
  • 地點： ⻄環⼲諾道⻄屈地街電⾞廠（⼭道入⼝）以及卑路乍灣海濱⻑廊

• Tram0：未來電⾞
  • 電⾞，承載着無數記憶嘅永恆載體，⽇復⼀⽇地帶領我哋穿梭呢座變化不斷嘅城市。時光荏苒，歲⽉流轉，⼀個世紀悄然過去，電⾞持續⾒證着城市入面嘅⼈、建築以及環境更迭。「Ding Lab」以電⾞蘊含嘅文化意義做靈感，重新構想成⼀個由城市化與傳統、藝術與科技交匯⽽成嘅⽣命體 —— 「Tram0」。呢架未來電⾞行走喺香港島⻄區，畀參加者⼀同登上 「Tram0」遊歷城市，展開⼀場思辨之旅。隨着⾞輪轉動，未來想像與回憶交織，城市故事亦不斷前⾏。
    • ⽇期： 2025 年11⽉8 ~ 28號期間
    • 名額： 每班次12 名

• 「Tram0」：未來電⾞ 平⽇導賞團｜標準體驗包
  • 由導賞員帶領，沿途細味未來電⾞同埋城市故事，節奏悠閒，⾃由探索藝術裝置以及電⾞文化。平⽇場次不設紀念品或卑路乍灣海濱⻑廊導賞，由參加者⾃⾏遊歷。
    • ⽇期： 逢星期⼆⾄五
    • 旅程時⻑： 30 ~ 45 分鐘
    • 費⽤：港幣30蚊
    • 集合地點：⻄環⼲諾道⻄屈地街電⾞廠（⼭道入⼝）
  • 時間表及班次（上⾞：屈地街電⾞廠→繞經：西港城→落⾞：「⼠美菲路」電⾞站）

班次	集合時間	出發時間
1	1445	1500
2	1610	1625
3	1735	1750
4	1900	1915

• 「Tram0」：未來電⾞ 週末限定導賞團｜認領你嘅未來電⾞
  • 由屈地街電⾞總廠出發，途經城市⽇常，以堅尼地城卑路乍灣海濱⻑廊作結。導賞團由導賞員帶領，部分場次仲邀請到藝術家或特邀嘉賓梁展峯參與，攜⼿揭⽰展覽背後嘅故事同埋創作理念。
  • 體驗包括「綠仔」數碼電⾞寵物，認領以及培育屬於⾃⼰嘅未來電⾞！週末參加者專屬，數量有限，先到先得！
    • ⽇期： 逢星期六及⽇
    • 旅程時⻑： 60 ~ 75分鐘
    • 費⽤： 港幣80蚊（費⽤包括1套紀念品）
    • 集合地點： ⻄環⼲諾道⻄屈地街電⾞廠（⼭道入⼝）
  • 時間表及班次（上⾞：屈地街電⾞廠→繞經：西港城→落⾞：「⼠美菲路」電⾞站→步⾏⾄：卑路乍灣海濱⻑廊）

班次	集合時間	出發時間
1	1345	1400
2	1510	1525
3	1635	1650
4	1800	1815
5	1925	1940

如果要喺街上捕捉「Tram0」未來電⾞，大家就要揸緊時間喺屈地街電車廠、西港城總站以及堅尼地城總站之間嘅一帶電車路軌旁邊等下喇！