位於香港灣仔港灣道1號嘅香港萬麗海景酒店，入面嘅自助餐餐廳「Food Studio」會喺2025年9月中開幕，「Food Studio」嘅廚藝團隊會喺2025年8月15號到2025年9月14號期間嘅日落時分，將呢間備受期待嘅新餐廳焦點美食帶上香港電車旗下#68復古開篷「電車全景遊」觀光電車，呈獻畀美食家乘客帶來。
成功訂位嘅賓客可以登上呢間「期間限定叮叮餐廳」，喺軌道上嘅杯觥交錯配合城市光影流轉，率先細味甄選食材嘅無盡臻味，沉醉於城市風光。與此同時，仲可以喺電車上解鎖Food Studio早鳥優惠！
車廂下層設計洋溢老香港典雅風韻，乘客唔單止可以欣賞香港景貌嘅古今照片以及電車珍品，仲可以製作明信片，免費郵寄到世界各地，同親友分享美食以及文化旅遊嘅獨特體驗。
乘客登上仿1920年代設計嘅復古電車品嚐美饌，可以喺開篷設計嘅電車上層，欣賞流動的城市風華，飽覽銅鑼灣嘅車水馬龍、灣仔嘅熙攘街頭、中環嘅摩天剪影，以及上環嘅新舊交織。
當美食家乘客沉浸喺香港島充滿活力嘅城市脈搏中間，可以同時臻享一系列以香港萬麗海景酒店自助餐餐廳「Food Studio」焦點美食為靈感、無限量供應嘅精緻美點，發掘酒店行政總廚Owen Panzica嘅廚藝匠心，全然陶醉喺以甄選食材巧製出嘅無盡臻味。
鹹點：迷你龍蝦漢堡、迷你醃漬三文魚撻配法式香草酸忌廉、鵝肝慕斯泡芙、圓鰭魚魚子醬魔鬼蛋
甜點：迷你香橘撻、瑪德蓮蛋糕
飲品：萬麗無酒精雞尾酒「海港風情」
「Food Studio叮叮餐廳」
供應日期：2025年8月15號~2025年9月14號
時間：每日1730時
路線：銅鑼灣總站→上環西港城總站
時長：約1句鐘
價格：每位港幣198蚊
而據香港電車消息人士透露，呢次「叮叮餐廳」主要係希望畀訪港遊客一個新鮮活動形象，雖然話香港夏天炎熱多雨，行程難免受天氣影響，不過既然呢次活動大受歡迎，香港電車會打算加開類似飲食遊活動，安排電車路沿線食肆參與，共同推廣香港小商戶——當然香港電車未來都會嘗試安排使用#88冷氣電車云云。
或許應該咁話：作為植根香港百幾年嘅老嘜頭，唔通香港人都唔支持咩？
Be the first to comment