花王集團「Attack潔霸」請全港市民免費搭電車

花王集團旗下洗衣産品嘜頭「Attack潔霸」迎嚟重大革新！

作為連續35年香港洗衣產品銷量冠軍嘅領導牌子，「Attack潔霸」宣布全面升級嘜頭形象，並且喺2025年7月25號請全香港市民「免費搭電車」，一同慶祝呢個重要里程碑。

花王集團表示，「Attack潔霸」一直以日本領先技術，不斷革新洗衣產品，解決各種洗衣難題，減輕洗衣繁瑣，畀消費者有更多時間享受生活。

呢次升級計劃聚焦3大核心價值，包括：

・突破技術：獨家研發「殺菌超越日曬」技術，特別針對香港居住環境以及潮濕天氣而研發，無論晴天或者雨天，每日洗衣都能夠確保越卓殺菌效果

・多元產品系列：涵蓋由基礎潔淨到專業抗菌嘅全系列洗衣產品，包括殺滅病毒、防塵蟎、抗臭、洗衣機槽防霉等，滿足唔同家庭嘅多元化需要

・綠色承諾：積極推動可持續發展，使用「責任採購 RSPO 認證嘅棕櫚油」，可以減少種植棕櫚樹對環境嘅影響，仲採用愛護海洋「無磷配方」，減少洗衣後排放污水影響生態環境，同時產品樽身用咗循環再造塑膠，實踐綠色生活理念。

為咗慶祝「Attack潔霸」成為連續35年全香港銷量冠軍，花王集團揀咗2025年7月25號搵香港電車搞返個「電車免費乘車日」，加上全車身廣告嘅電車宣傳新裝「Attack潔霸」上市開賣！

所有乘客喺當日由頭班車到尾班車期間，都可以免費乘搭香港電車，無需投幣亦無需拍八達通卡或其他電子支付工具，香港電車喺車廂入面都有相闢提示。