三菱 ROSA 真係好差??

Euro 5 本可以「翻身」，不過日本仔諗得唔夠周詳

依家見到 (應該話十幾日前仲見到) 嘅 三菱 Rosa 小巴，絕大部份都係最新的 Euro 5 規格。日本廠方終於面對現實而不再自行研發引擎，以免重蹈同集團私家車部對GDi 引擎導致倒閉邊緣嘅覆轍，改為與意大利快意集團合作，取其 F1C 系引擎 Re-badge Fuso 4P10，仲做埋「自動燒碳」程序 (無需每日都要停車空轉15分鐘以上「燒碳」)，再配上以 VW 專利嘅 DSG 波箱技術基礎研發而成嘅 Duonic 波箱，响 Technical 層面嚟講其實係接近「無敵」，只不過日本廠方似乎未有仔細研究 Duonic 波箱操作嘅風險，結果「未師出捷身先死」。日本仔衰乜？又係論文級，日後另文詳講啦。

或許車廠「走得太前」而香港運輸業界的守舊、故步自封，於是被「槍打出頭鳥」。但今篇文至少可以俾各位睇到 三菱 Rosa 並唔係嗰啲鸚鵡學舌式的「貨車陣小巴的垃圾」，而且絕對不能剔除業界陋習所衍生嘅因素。