中巴柴廠瀕拆卸 包圍工程正做嘢

2019年底「交吉」嘅前中巴柴灣巴士廠，喺臨閂門大吉之前，曾經有幾批被有心人保留嘅中巴舊巴士返去「祭祖」。

「中巴」「重返」柴灣廠 最後一刻闖一闖

踏入2020年，正當大家日日忙著擔心新型冠狀病毒（武漢肺炎）疫情，中巴柴灣巴士廠嘅拆卸工程其實並無因為疫情而完全停止。

就喺2020年3月23號，有住喺嗰區附近嘅朋友仔傳咗2張相嚟，話原來拆卸中巴柴灣巴士廠嘅前期圍封準備工程已經做緊，圍住巴士廠嘅行人路安放咗兩排混凝土石躉，鋼架亦陸續銲接緊，相信好快就搭埋棚架㗎喇！

時代巨輪不斷向前，要保留所有舊物確實未必有社會能夠支撐得到，但求將來新嘢可以推動社會改善。