【香港電車】為香港人打氣！ 銀行請大家免費搭電車

無論順境逆境
我哋都繼續向前
刷新自己

2022年11月，香港渣打銀行安排咗一系列題為「人人發光 刷新香港（Shine with Hong Kong）」嘅「全城cheer up」活動，同香港人打打氣，共享快樂時刻！

其中排喺月頭嘅就有「香港電車免費乘車日」！2022年11月5號呢一個星期六，香港渣打銀行就包起香港電車全支車隊，畀全香港市民喺當日可以無限次免費乘搭電車遊遍港島。

一家大細坐住電車慢慢穿梭香港島北岸嘅大街小巷，細心欣賞風景，見証香港不斷刷新嘅面貌，聽著「叮叮」聲去發掘香港呢個城市美好嘅每一面 。

另外，香港渣打銀行仲特別喺香港電車整咗幾架色彩繽紛嘅電車全車身廣告，畀公眾「打卡」！

至於其他更多相關活動，大家可以留意返香港渣打銀行嘅相關網頁。