九巴又誤入通道 車頂撞爛指示牌

2021年5月7號朝早8點幾，九巴1架雙層巴士發生1宗「入錯線」引致「揩頂」嘅車禍。

事緣九巴1架丹尼士E500型12米版本雙層巴士（車隊編號：ATENU729，車輛登記：TR8734）行緊74X號路線去大埔，正當要埋「apm創紀之城5期」巴士站嘅時候，巴士車頂撞到行車通道上方指示牌。

事件中指示牌、部份天花板組件損毀，而換個角度睇，現場喺柱上面貼有74X巴士轉右嘅指示，未知巴士車長係咪誤以為轉右指示係解柱後先至轉，令巴士駛入另一條限高3.8米嘅行車通道。